維基百科

胡錦濤被帶離中共二十大會場事件

胡錦濤被帶離中共二十大會場事件係指2022年10月22號中共二十大閉幕會上，時任中国共产党總書記習近平派人拉走坐喺佢隔離嘅前任總書記胡錦濤，成件事被外國傳媒影到，引起世界各地熱烈討論[1]。

件事發生喺二十大閉幕會中途，即係啱啱選完中央委員同中紀委委員，傳媒入場之後[2]。根據西班牙《阿貝賽報》記者拍攝嘅相片，胡錦濤首先想睇檯上面嘅紅皮文件，被屬於習近平派系嘅政治局常委栗戰書、王滬寧阻止，亦引起坐喺隔離嘅習近平注意[3]。之後，根據法新社影到嘅現場畫面，習近平貼身秘書、[4]中共中央辦公廳副主任兼秘書局局長孔紹遜[5]同習近平嘅貼身保鏢相繼趕過去，習近平吩咐咗兩句，[6]兩個人出手想將胡錦濤帶走。期間胡錦濤多次想攞返紅皮文件，仲企圖打開習近平手旁邊嘅紅皮文件，但被習親手壓住。胡被工作人員拉起身，仲未離開座位嗰陣，坐喺佢左手邊嘅栗戰書想起身扶佢，但係坐喺栗左手邊嘅王滬寧將栗戰書拉返去佢座位。胡錦濤同工作人員雙方僵持咗大約一分半鐘，最後胡錦濤妥協，臨走嗰陣同習近平有短暫講返一兩句，習近平有短暫咁應答，胡仲用手拍咗拍習右手邊嘅李克強嗰肩膀。[7]唔清楚胡錦濤同習近平嘅講話內容同埋胡錦濤嘅最終去向。事後引發媒體猜測，例如CNN認為胡錦濤係唔情願被逼離場。[8][8][9][10][11][12][13]而新華社喺Twitter用英文話胡錦濤離場係因為「身體不適」，但喺中國境內冇任何中文報道。[14][15]中國官方亦馬上啟動審查過濾行動，新浪微博全面封殺胡錦濤同佢嗰仔胡海峰嘅相關討論[16][17]。

根據之後公佈嘅選舉結果，團派嘅原政治局常委李克強同汪洋落選中央委員，即係67歲嘅佢哋要宣佈退休[18]。而胡錦濤悉心栽培嘅團派新星胡春華，雖然繼續當選中央委員，但做咗兩屆政治局委員兼且只有59歲嘅佢竟然被踢出政治局，即係到2023年兩會之後連副總理都冇得做[19]。新一屆政治局全部換曬習近平派系人馬，連民間評價不佳嘅李強同蔡奇都憑借同習嘅關係晉升政治局常委[20]。2012年，胡錦濤宣佈「裸退」不干政，將權力全部移交畀習近平，當時習近平仲稱讚胡「高風亮節」[21]。習近平獨攬大權之後對胡錦濤毫不留情，同對團派「趕盡殺絕」嘅做法引起外界爭議。

參考

編輯
  1. ↑ 〈胡锦涛半途离席二十大闭幕会 江泽民未现身〉。聯合早報。2022-10-22。
  2. ↑ "Former Chinese President Hu Unexpectedly Leaves Congress Closing Ceremony". Barron's. 2022-10-22.
  3. ↑ PABLO M. DÍEZ. "En imagenes: la secuencia de fotografias que muestra la expulsion de Hu Jintao". ABC. 喺2022-10-23搵到.
  4. ↑ 〈【中共人事】習近平貼身秘書「低調亮相」 對台作戰方案制定者換人〉。Radio Free Asia (香港中文)。喺2022-10-24搵到。
  5. ↑ Dake Kang. "One more interesting tidbit in the Hu Jintao affair today: The man helping up Hu is Kong Shaoxun (孔紹遜), the deputy director of the General Office of the CPC Central Committee. His boss is Ding Xuexiang, widely expected to be on the next Standing Committee". Twitter. 喺2022-10-23搵到.
  6. ↑ Wen, Teng Yu (2022-10-23)。〈架走胡錦濤黑衣人 習近平親信孔紹遜〉。《馬來西亞詩華日報新聞網》 (中國中文)。喺2022-10-24搵到。
  7. ↑ "Unedited sequence of former Chinese president Hu unexpectedly leaving Congress". AFP. 喺2022-10-23搵到.
  8. ↑ 8.0 8.1 Jiang, Simone McCarthy,Yong Xiong,Steven (2022-10-22). "Former Chinese leader Hu Jintao unexpectedly led out of room as Communist Party Congress comes to a close". CNN (英文). 喺2022-10-22搵到.
  9. ↑ 〈中共二十大閉幕式結束前 胡錦濤突然被帶離會場〉。Radio Free Asia (中國中文)。喺2022-10-22搵到。
  10. ↑ Pm, 發布 / 2022年10月22日 11:30 Am 更新 / 2022年10月22日 3:46。〈【視頻】胡錦濤半途離席二十大閉幕會 江澤民未現身 | 早報〉。www.zaobao.com.sg (簡體中文)。喺2022-10-22搵到。
  11. ↑ Video: 'High drama' as Xi's predecessor led out of the meeting | CNN (英文), 喺2022-10-24搵到
  12. ↑ Reuters (2022-10-22). "Chinese ex-President Hu Jintao escorted out of party congress". Reuters (英文). 喺2022-10-22搵到.
  13. ↑ Chen, Laurie (2022-10-22). "Former Chinese President Hu Jintao removed from Congress". The Japan Times (美國英文). 原著喺2022-10-22歸檔. 喺2022-10-22搵到.
  14. ↑ "'Not feeling well': China's ex-leader led out of party congress". www.aljazeera.com (英文). 喺2022-10-24搵到.
  15. ↑ 〈越描越黑？二十大閉幕胡錦濤「被離場」 新華社英文推特罕見給解釋〉。新頭殼newtalk。2022-10-23。原著喺2022-10-23歸檔。
  16. ↑ 〈河蟹大帝兩父子 某博上慘遭河蟹〉。《中國報 China Press》 (美國英文)。2022-10-23。
  17. ↑ 自由時報電子報 (2022-10-23)。〈胡錦濤子胡海峰在台下目睹「被離場」全程 微博封鎖父子2人 - 國際〉。《自由時報電子報》 (臺灣中文)。喺2022-10-23搵到。
  18. ↑ 〈李克強、汪洋在中共領導人改組中出局〉。《美國之音》 (簡體中文)。2022-10-22。
  19. ↑ 〈中共新任政治局委員減1人至24人 胡春華出局〉。《中央社 CNA》 (繁體中文)。2022-10-23。
  20. ↑ 〈曾無情清理低端人口引民怨 蔡奇入常令外界意外〉。《經濟日報》。2022-10-23。原著喺2022-10-24歸檔。喺2022-10-24搵到。
  21. ↑ 〈習近平讚胡錦濤高風亮節〉。《文匯報》。2012-11-16。原著喺2022-10-24歸檔。喺2022-10-24搵到。
由「https://zh-yue.wikipedia.org/w/index.php?title=胡錦濤被帶離中共二十大會場事件&oldid=2102046」收