臥薪嘗膽
臥薪嘗膽又叫臥薪嚐膽。呢個詞出自《史記·越王勾踐世家》，係講中國春秋時期嘅越國國王勾踐勵精圖治諗住復國嘅事跡，跟住變咗成語，形容人刻苦自勵，發奮圖強。
典故
編輯公元前496年，吳王闔閭派兵攻伐越國，但係被越國擊敗，闔閭亦都戰死沙場。兩年之後，即公元前498年，
其實勾踐冇放棄復仇之心，佢表面上對吳王服從，但係暗中訓練精兵，強政勵治，等待時機反擊吳國。艱苦可以鍛鍊意志，安逸反而會消磨意志。勾踐怕自己會貪圖眼前嘅安逸，消磨報仇雪恥嘅意志，所以佢為自己安排艱苦嘅生活環境。佢夜晚瞓覺唔用褥，淨係鋪啲薪（柴草），又喺屋入面掛咗隻苦膽，佢週不時會試下苦膽嘅味道，為嘅就唔好唔記得以前嘅恥辱。
勾踐為咗鼓勵民眾，同王后、人民一齊參與勞動，同越人同心協力之下令到越國強大起來，勾踐最尾滅吳稱霸。