自質詞

自質詞zi6 zat1 ci4同異質詞ji6 zat1 ci4係語言學上兩個緊密相關嘅概念。

• 自質詞：如果話一隻形容詞係自質詞，即係話佢描述緊自己，例如英文字詞 English（可以係英文嘅或者英格蘭嘅噉解）就係自質詞，因為隻字詞描述緊嗰樣特性－英文－係佢自己有嘅特性；又或者英文字詞 Hellenic（嚟自希臘嘅噉解）噉－隻字詞源上係由古希臘文 Ἑλληνικός（羅馬字：ellhnikos）嗰度嚟嘅。粵文嘅例子包括四聲嘅聲調名，平、上（soeng5）、去、入四個名描述嘅都係自己嘅聲調。
• 異質詞：如果話一隻形容詞係異質詞，即係話佢唔係描述緊自己，例如英文詞 misspelled（串錯咗噉解）就係異質詞，因為隻字詞並冇串錯，唔具有隻字詞描述緊嗰樣特性（串錯咗呢樣特性）。官話嘅例子有入聲爾個名，官話冇入聲，喺官話個 ｢入｣ 字唔係入聲。

上圖有兩隻 Blue－英文藍色噉解－文字，上面嘅 Blue 本身係藍色所以係自質詞，而下面嘅 Blue 本身係紅色所以係異質詞。

自質詞同異質詞最出名嘅，係佢哋嘅存在引起咗一個悖論。

睇埋

• 異質詞悖論
• 形容詞