臭狐（粵拼：cao3 wu4） ，係指胳肋底排出嘅汗同微生物作用之後所散發出嚟嘅臭味，係體臭嘅一種。臭狐通常喺夏天多汗嗰陣好明顯，尤其是係男仔青春期嗰陣，打波或者做完運動之後胳肋底會好臭，重會喺淺色衫上面留底淡黃色嘅嘢，同普通汗臭味嘅分別好大。臭狐係由胳肋底嘅大汗腺造成嘅，因為佢嘅酸味，同狐狸身體嘅惡臭差唔多所以叫「臭狐」，有啲女性都會。[1]。
