台北

臺北（粵拼：toi4 bak1），意思係「臺灣之北」，本來係指台灣北部地區，後來淨係用喺都市上嘅「臺北」。

一般嚟講，臺北呢個稱呼跟住時代轉變，而有唔同嘅包含範圍。20世紀初之前，臺北嘅聚落範圍只包含所謂嘅「三市街」──艋舺、大稻埕以及臺北城，即係家下嘅臺北舊城區；即使係1960年代所指嘅「臺北」，依然係狹義稱呼包括大安區，松山區，大同區，信義區，中正區，中山區同埋萬華區在內嘅臺北市舊市區。但係由於舊城區逐漸沒落，商業重心同埋市政核心東移，以及大量來自臺灣中南部嘅外來人口聚居喺周圍衛星市鎮，今日稱臺北嘅意義，有時泛指包含臺北市與臺北縣、基隆市在內嘅大臺北地區。不過就行政區劃嚟講，「臺北」通常係指臺北市。

臺北可以係指：

• 臺北市
• 新北市，即係以前嘅「臺北縣」
• 大臺北地區，包括臺北市同埋臺北縣
• 臺北都會區，包括臺北市、臺北縣、基隆市同埋桃園市
• 北臺灣，即臺灣北部地區，包括基隆市、新北市、臺北市、桃園市、新竹縣、新竹市、苗栗縣以及宜蘭縣。但更常用嘅名係北台灣或者北部；
• 臺北城，又叫臺北府城，清朝喺臺北建立嘅古城。