舌尖上的粵語粵拼sit6*3 zim1 soeng6 dik1 jyut6 jyu5 》,粵語翻譯「脷尖上嘅粵語lei6 zim1 soeng6 ge3 jyut6 jyu5」係一部介紹粵語文化嘅網上短片,長大概9分22秒,由羊城網為咗保護粵語而喺2012年12月5號發佈。

佢用誠實幽默嘅語言由粵語嘅起源、分佈、詞彙、發音特點等各方面嘅內容全面介紹粵語嘅文化。呢個視頻發佈咗上優酷網之後短短兩日就有超過190萬嘅收視,同時喺新浪微博轉發咗超過5萬次,即使係喺國外嘅YouTube都有超過15萬次嘅收視。呢個視頻出咗街之後就得到粵語文化圈同埋媒體圈入面嘅知名人士一致肯定同埋推薦,重得到羊城晚報​[1]、新快報[2]、羊城地鐵報[3]​、南方電視臺、廣東電臺[4]​、中央人民廣播電臺​[5]嘅報導,喺網上成為廣東同埋港澳各大論壇社區、以及海外華人嘅廣泛討論[6]

精彩臺詞 編輯

如果整個漢語語系係一樖樹嘅話,噉普通話同埋粵語,重有中國各地嘅語言就係樹上面結嘅果嘞。

——短片第4分40秒

廣東人嘅足跡,踏遍咗半個地球,唔怪得連南極嘅企鵝都話要教北極熊講粵語啦。

——短片第5分25秒

廣東咁多猛人都係講粵語啦,儲儲埋埋成套三國殺都有咯。如果以「講普通話,做文明人」爾類誤導式嘅宣傳手法去推廣普通話嘅話,噉國父孫中山係勿好影響你成績先?

——短片第5分39秒

國外媒體評論 編輯

新加坡聯合早報[7]: 「凈係有真正理解語言趨勢背後嘅推動力同埋形成因素,重要認真檢討,喺必要嗰陣要大擗過修正有偏差嘅意識形態,再落實到政策上面,因為生活嘅語言必須要從生活入面落手。呢個關係啫,唔係凈係得曾祖孫啲人溝通嘅問題,重有祖輩文化嘅傳承,佢自己文化身份嘅認同,同埋人與人之間嘅尊重同埋聯繫。對祖語祖音嘅維護,凈係大家一齊同心發起自己嘅力量,已經係一種成就。」

參考 編輯

  1. 《舌尖上的粤语》视频网上走红 月内将推出国语版 互聯網檔案館歸檔,歸檔日期2016年3月9號,. 新浪網 轉載羊城晚報
  2. 《舌尖上的粤语》网络走红 互聯網檔案館歸檔,歸檔日期2013年1月27號,. 新快報
  3. . 原著喺2014年9月1號歸檔. 喺2013年3月22號搵到.
  4. . 原著喺2014年8月29號歸檔. 喺2013年3月22號搵到.
  5. . 原著喺2014年8月29號歸檔. 喺2013年3月22號搵到.
  6. 請去各大搜索引擎去搜“舌尖上的粵語 討論”呢個關鍵字
  7. 舌尖上的粵語 新加坡聯合早報 2013年6月2號

連出去 編輯