芥菜種嘅比喻
(由芥子嘅比喻跳轉過嚟)
芥菜種嘅比喻係耶穌講嘅一個比喻，記載喺《新約聖經》《馬太福音》第13章第31至32節、《馬可福音》第4章第30至32節、同埋《路加福音》第13章第18至19節。
聖經譯文
編輯| 「 | 耶穌對佢哋講另一個比喻話：「天國好比一粒芥菜種，有人將佢種落田度。呢啲種子比其他嘅種子都細，不過長大起嚟佢比任何蔬菜都大，並且成為樹，連雀仔都飛嚟喺佢嘅枝上面築巢。」
|
」 |
——《馬太福音》第13章第31-32節 | ||
| 「 | 耶穌問：「我哋話上帝嘅國好似乜嘢呢？我哋用乜嘢嚟表明佢呢？佢好比一粒芥菜種，種喺地裏面嘅時候，雖然比地上所有嘅種子都細，不過種起嚟長大之後，比各種蔬菜都大，佢生出大枝，雀仔都可以喺佢嘅蔭下築巢。」
|
」 |
——《馬可福音》第4章第30-32節 | ||
| 「 | 耶穌問：「上帝嘅國好似乜嘢呢？我要拎乜嘢嚟比較呢？佢好比一粒芥菜種，有人攞去種喺田園度，佢長大成為樹，雀仔都喺佢嘅枝上面築巢。」
|
」 |
——《路加福音》第13章第18-19節 | ||
解釋
編輯正面
編輯芥菜種喺猶太國之中嘅種子係最細嘅，不過佢會長高到三、四公尺，可以畀雀仔棲息。芥菜種係指耶穌嘅真道，亦即係天國嘅福音，亦係佢本身。天國好比係人攞去種喺田裏面嘅一粒擁有極大成長潛能嘅芥菜種子。呢個比喻描述由耶穌一個人開始嘅細小上帝嘅國，卻有不可思議嘅擴展，成為足以影響成個世界嘅實體[1]。
反面
編輯巴勒斯坦嘅芥菜種屬於灌木科，冇可能長大成為樹，雀仔喺度築巢，顯示有唔正常嘅生長。樹代表世界嘅權力，雀仔代表魔鬼，喺教會迅速興盛發展嘅時候，魔鬼會混入教會乘機破壞上帝嘅工作。