芭蕾舞大師

芭蕾舞大師（ballet master［男］/ ballet mistress［女］）係芭蕾舞團當中嘅一個職位，係個舞團嘅藝術人員嘅一部份。芭蕾舞大師嘅主要職責係指導個舞團入面嘅舞蹈員，例如係日日朝頭早帶領成個舞團嘅舞蹈員演練當日要跳嘅舞，又或者係教啲舞蹈員微調自己嘅舞步等等，而當個舞團要表演嗰時，佢哋嘅芭蕾舞大師會係首先開始練舞嘅，跟住芭蕾舞大師就會負責教個舞團啲舞蹈員跳，並且監督演練過程。芭蕾舞大師好多時都係退咗休嘅舞蹈員－年紀大咗、體力唔夠好、無力親自上台表演，但就憑住豐富嘅經驗指導舞團入面嗰啲後生啲、體力好啲、但經驗冇咁豐富嘅舞蹈員。