呢篇文講嘅唔係花城大道花都頻道

 廣州電視台花城頻道粵拼gwong2 zau1 din6 si6 toi4 faa1 sing4 pan4 dou6 ,簡稱廣州花城頻道,又叫花城政務頻道,係廣州電視台屬下停播咗嘅免費頻道,2016年11月28號開播,2017年8月7號停播。期間曾經以除咗重播嘅《新聞日日睇》同《最街拍檔》(而家嘅《今日報道之最街拍檔》)兩檔節目係粵語之外,其他節目都係普通話嘅語言形式做廣播。呢個頻道凈限廣州地區播出[註 1]

廣州花城頻道
邊位屬下廣州電視台
開播2016年11月28號[1]
停播2017年8月7號
廣播語言粵語、普通話
總部位置中國 中國廣東廣州
越秀區環市中路231號
官方網站頻道官網

頻道播出時間同朝鮮中央電視台中文朝鲜中央电视台嘅手法差唔多,但喺每日深夜到第二日近挨晚時段冇節目。

2017年8月6號23:55,頻道播完當日最後一個節目——《看在花城》之後踏入測色版,6個鐘頭之後台標同「測試」字樣亦消失,隨後8月7號挨晚,頻道亦變成黑屏畫面。具體原因未知,不過有消息話可能收視率太低或頻道未經審批嘅料而停播。雖然同年8月31號,呢個頻道嘅節目表有新節目出現,但頻道一直未恢復播出。據估計,頻道冚唪唥嘅節目都搬嗮去移動頻道播出。

2017年9月17號,花城頻道嘅公眾號正式改名做「花城咖」。


節目同導視 編輯

花城頻道開播之後到停播之前,喺每日18:00開台,期間凈播出差唔多6個鐘頭嘅節目,而節目內容多數以廣州當地嘅政府宣傳為主,冇商業廣告播出。其中喺17:30(開播前半個鐘)出現嶺南音樂,到17:59出現廣州地區嘅宣傳動畫短片同埋廣州國際媒體港嘅外景,18:00開始出現當日嘅節目預告。節目播出方面,喺18:00~18:25播出《廣州榜樣》節目;20:00~20:30播出《花城全視角》節目;20:30~20:45時段,禮拜一到五播《花開花城》、禮拜六播《今天我上線》、禮拜日播《我該怎麼辦》。其它時段嘅節目多數以翻炒嘅政府行動、民生論壇同紀錄片為主,但一日最長嘅節目都唔超過1個鐘。喺收台之前嘅一個鐘內會出現首播嘅《花城面對面》同埋《看在花城》呢兩個自製節目。喺信號變成電子大圓畫面之前會播一次廣州地區嘅宣傳動畫短片同埋廣州國際媒體港嘅外景,最後彈出台徽ID同埋呼號[註 2]就當日節目播嗮。

時間 節目內容 播出長度
以下節目都以佢當地嘅時間(UTC+8)為準
17:30~17:59 電子大圓測色板,背景音樂係嶺南音樂。 30分鐘
17:59~18:00 廣州地區嘅宣傳動畫短片同埋廣州國際媒體港嘅外景 1分鐘
18:00~19:00 最街拍檔同紀錄片(禮拜一至五)、廣州榜樣(禮拜六)、新聞日日睇(禮拜日) 60分鐘
19:00~19:25 政府行動節目 25分鐘
19:30~19:55 政府行動節目 25分鐘
20:00~20:30 花城全視角 25分鐘
20:30~20:45 花開花城(禮拜一到五)、今天我上線(禮拜六)、我該怎麼辦(禮拜日) 15分鐘
21:00~21:28 紀錄片 28分鐘
21:30~21:58 紀錄片 38分鐘
22:00~22:27 紀錄片 27分鐘
22:30~22:57 紀錄片 27分鐘
23:00~23:24 花城面對面 24分鐘
23:25~23:53 看在花城 28分鐘
23:53~23:55 廣州地區嘅宣傳動畫短片同埋廣州國際媒體港嘅外景,台徽ID。 2分鐘
23:55~00:30 冇節目,期間以電子大圓測色板為主(但背景變靜音)。 17個鐘頭又30分鐘

註同攷 編輯

  1. 喺廣州地區,白雲有線喺本港台停播後將頻道位改成無限插播白雲新聞;番禺有線已經將頻道位改成中國氣象頻道。但白雲有線喺2017年6月17號轉成數碼之後加咗呢個台,番禺有線凈限喺總控廳入面播。
  2. 最後播出嘅語音係普通話嘅「您現在收看的是廣州廣播電視台花城頻道」呢個,粵語翻譯係「你而家睇緊嘅係廣州廣播電視台花城頻道」噉解。
  1. 【珠江数码】广州花城频道开播 互聯網檔案館歸檔,歸檔日期2015年5月3號,. 卫星界

出面網頁 編輯