開主選單

花序粵拼faa1 zeoi6)係花梗上嘅一堆花因種類唔同,而用咗唔同方式排喺花軸上而按順序開花嘅嘢。佢可以細分成好多個種。

品種

按成長方式

如估按植物器官嘅成長方式,重可以細分成單軸同合軸兩個品種。其中單軸嘅係無限花序,合軸嘅係有限花序。佢係用來解釋開花嘅先後順序。其中包括咗以下呢啲品種:

無限花序

無限花序嘅開花規律係最先開嗰朵都未開完嗰時,跟住其它枝幹就猛咁開花。喺第個角度嚟講,最先喺主軸下邊開花,跟住無耐就唔停噉猛咁向上開花,而主軸最上邊嘅花一係最遲開,一係未開。

花序品種 規律
穗狀   有等長嘅花柄,生喺個長嘅花軸上。
圓錐   有等長嘅花柄,生喺個長嘅花軸上,但佢嘅樣有啲似圓錐體噉。
穗狀     冇柄兼好短,密麻麻噉生喺花軸度。
肉穗   冇柄,生喺肉質漲大咗嘅花序軸度。
遮樣     個樣好似雷達噉向四圍開
頭狀     集生喺頭嘅花序度
隱頭   花軸向入面攣,好似個孢囊噉,而花仔一般生喺囊入面嘅表面層度。
盤樣   集生喺盤嘅花序度
遮房   花軸上各個花嘅柄從下而上按順序變短且分佈喺同一水平面。
柔荑   花軸上生冇柄或短柄嘅花。大多數係軟而向下髧。

有限花序

有限花序嘅開花規律係最先開嗰朵慢慢噉謝,跟住隔籬嗰朵就開花。喺第個角度嚟講,主軸係唔可以跟住花嘅順序嚟陸續噉開。佢有分三種模式:

  1. 向頂成熟模式——側花成日從下向上熟
  2. 向基成熟模式——側花成日從上向下熟
  3. 發散成熟模式——側花成日從中間向兩邊熟
花序品種 規律
單生   唔喺花序入邊,直接喺梗頂生。
密傘   肉質嘅總苞向入面攣到好似嚿孢囊噉,而花仔好似把遮噉生喺孢囊入面。
聚傘             最入面或中間嘅花最先開,跟住逐漸向兩邊開。

按樹枝排列方式

苞片

如估按苞片嘅成長方式,包括咗以下呢啲品種:

花序品種 規律
冇苞   冇苞片
有苞   有苞片,大多數係特化或退化成分裂或分開咗嘅鳞片。
葉苞   有苞片,但未特化,樣同葉差唔多,但曬士縮咗水。
葉樣   有苞同葉苞兩個之間嘅種

葉對稱性

如估按軸線嘅排列方式,包括咗以下2種:

花序品種 規律
互生   樹枝同樹葉係左右唔對稱,樹枝通常錯開到梅花間竹。
對生   樹枝同樹葉係左右對稱

按位置排列方式

有時植物器官都會脫離正常預測嘅位嚟開花。如估花軸喺唔同部位或生喺連接花軸嘅器官嘅速度變得好快嗰時,就出現唔同位嘅嘢。喺開花嗰時,苞片同花梗嘅相對位可以做判斷植物分類嘅指標。

規律
腋生   生喺樹杈嘅苞片度
聯生   花苞明顯高過苞片
貼生   苞片生喺花梗上邊

有關嘅書

  • 尹长民主编,《生物奥林匹克教程》,湖南师范大学出版社,2003年6月。ISBN 7-81031-870-5/G.478
  • 中国少年儿童百科全书 自然·环境 第390-391页 浙江教育出版社 ISBN 7-5338-1946-2/G·1942
  • Focko Weberling: Morphologie der Blüten und der Blütenstände; Zweiter Teil. Verlag Eugen Ulmer, Stuttgart 1981
  • Wilhelm Troll: Die Infloreszenzen; Erster Band. Gustav Fischer Verlag, Stuttgart 1964