英國廣播公司第二台

英國廣播公司第二台（英文：BBC Two，原名：BBC2）係英國廣播公司擁有並運營嘅一條嘅免費公共廣播頻道，於1964年啟播，其節目以娛樂節目同知識性節目為主。任務係「播放有深度、有內涵嘅節目」，同更主流同流行嘅第一台形成咗對比。

本台最初嘅名稱係BBC2，係英國第三個電視頻道（始於1964年4月21號），由1967年7月1號起，佢係歐洲首條定期進行彩色電視廣播嘅電視頻道。佢被設想為非主流類節目同更有雄心嘅節目嘅歸宿，雖然呢種趨勢一直持續到而家，但大多數以前喺第二台播出嘅小眾興趣節目，例如逍遙音樂會，而家往往喺第四台播出。

根據Populus為BBC進行嘅一項重要嘅全球研究顯示，BBC Two被評為世界上品質第三高嘅電視頻道，僅次於巴西嘅TV Cultura同BBC One。

史

BBC Two係英國第三個電視頻道，原定喺1964年4月20號開播；但當晚因為巴特西發電站着火，包括當時BBC總部倫敦電視中心喺內嘅倫敦西區大停電，只能推遲到次日晚間先開播。BBC Two亦係英國第一個UHF電視頻道。1967年7月1號，英國廣播公司第二台成為歐洲第一個彩色電視頻道。

BBC Two嘅節目以娛樂節目同知識性節目為主。同面向大眾嘅第一台相比，第二台主要面向小眾觀眾，製作嘅節目亦有唔少係劍走偏鋒嘅實驗類節目，其代表就係頂級跑車秀。但若某一節目收視率較高，一般都會轉移到英國廣播公司第一台播出。此外，英國廣播公司第二台亦製作眾多喺學校播出嘅教育節目。

從英國廣播公司高清頻道開播以來，BBC Two嘅部分節目亦同時喺高清頻道同步播出。英國廣播公司喺2011年10月宣布，英國廣播公司第二台將會喺2013年前實現高清同步播出。2013年3月26日，BBC Two開始同步提供標準畫質同高清頻道。