英國脫離歐盟公投
(由英國脫歐公投跳轉過嚟)
英國脫離歐盟公投喺2016年6月23號舉行。支持脫歐嘅選項以百分之五十二選票贏出，英國政府跟住就喺2017年頭啟動英國脫歐程序。
英國脫離歐盟公投
| |||||||||||
|---|---|---|---|---|---|---|---|---|---|---|---|
‹ 2011 • 
| |||||||||||
| 2016年6月23號 | |||||||||||
| 選舉類型 | 公投 | ||||||||||
| 選舉制度 | 單一選區相對多數制 | ||||||||||
| 選舉統計 | |||||||||||
| 選民人數 | 46,501,241 | ||||||||||
| 總投票數 | 33,577,342 | ||||||||||
總投票百分比
| |||||||||||
| 72.21% | |||||||||||
| 你支唔支持英國脫離歐盟？ | |||||||||||
| 支持 | 51.8% | ||||||||||
| 唔支持 | 48.2% | ||||||||||
| 選票分佈圖 | |||||||||||
| |||||||||||
17,410,742 脫歐
|
16,141,241 留歐
| ||||||||||
背景
編輯英國社會一路都有聲音撐英國脫歐。由於響上屆選舉入面，卡梅倫承諾贏出會就英國係唔係繼續留喺歐盟而搞公投，所以就舉行呢次公投[1]。
取態
編輯英國首相卡梅倫再度公開呼籲國民支持英國繼續留響歐盟，又警告脫離歐盟會對英國嚟講係好冒險嘅事[2]。
卡梅倫響倫敦大英博物館一項活動上致辭，指如果國民鍾意英國就應該留響歐盟，因為要令到國家安全，留響歐盟係其中一項手段。佢話下個月舉行嘅脫歐公投將會決定國家命運，並會為所有英國人帶嚟真正、一世同直接嘅影響；脫離歐盟係魯莽同唔負責任嘅做法[2]。
而另一方面，以大倫敦前市長莊漢生為領軍人物嘅脫歐派就認為：歐盟成員國之間嘅差異，特別係西歐會員國同東歐會員國之間嘅差異，已經令到英國留喺歐盟嘅前景變得唔明朗，因此同等待歐盟深化改革相比，脫離歐盟係更好嘅選擇[3]。
愛爾蘭護照風波
編輯根據愛爾蘭外交部提供嘅數據，喺英國確定舉行脫歐公投之後，越來越多喺英國出世或居住，但係有資格申領愛爾蘭護照嘅人，申領愛爾蘭護照[4]。雖然愛爾蘭政府試圖淡化英國脫歐公投同申領愛爾蘭護照之間嘅關係，但係《衛報》喺2016年訪問徂幾位申請人，而爾幾位申請人都聲稱係為徂保住歐盟身份先至申領愛爾蘭護照嘅[4]。
民意調查
編輯最新民意調查話，有成四成二嘅英國人贊成留響歐盟，比起想脫歐嘅只係多兩個百分點，另外有成超過一成人重未決定係點[2]。
後續
編輯公投結果係英國揀咗脫歐，而首相卡梅倫宣佈會喺十月離任。但係有超過五十萬人響英國下議院網站聯署，要求再次舉行公投，理由係兩邊票數太接近，加上投票率唔夠七成五；而根據英國國會規定，如果有議題攞到十萬人聯署，國會就可以為呢項議題辯論，政府亦必須作出回應[5]。
睇埋
編輯- 英國脫離歐洲經濟共同體公投（1975年嘅類似公投）
攷
編輯- ↑ （繁體中文）卡梅倫解散議會揭開英國大選序幕
- ↑ 2.0 2.1 2.2 （繁體中文）英揆卡梅倫警告英國脫歐冒險
- ↑ "Boris Johnson: EU exit better option than staying in unreformed union". 《衛報》. 2014-08-04. 喺2016-05-11搵到.
- ↑ 4.0 4.1 "UK rush for Irish passports 'brought on by Brexit fears'". 《愛爾蘭時報》. 2016-03-04. 喺2016-05-11搵到.
- ↑ （繁體中文）英國逾50萬人聯署要求重新舉行脫歐公投，香港電台，響2016-06-25搵到。