茲博羅夫條約
《茲博羅夫條約》係一份喺1649年8月17日簽訂嘅條約。事緣係由波蘭王國國王兼立陶宛大公仁二世·卡茲美耶殊·華薩（Jan II Kazimierz Waza）帶領嘅軍隊响茲博羅夫戰役同烏克蘭哥薩克人—克里米亞韃靼人聯軍嘅一次軍事衝突。烏克蘭哥薩克人同克里米亞韃靼人分別由酋長博夏丹·夏美爾聶茨基（Богдан Хмельницький）同可汗伊斯蘭·基禮三世（III İslâm Geray）率領。
根據協議：
- 在冊哥薩克人由六千人增加到四萬人。
- 喺烏克蘭嘅基輔省、布拉茨華夫省以及切爾尼戈夫省建立自治嘅統領國，波蘭軍隊同猶太人唔可以進入。
- 哥薩克酋長國嘅政府職位只可以由哥薩克領袖出任。
- 恢復烏克蘭嘅東正教教會，而且獲得特權。
- 被趕走嘅波蘭地主可以重返家園。
- 克里米亞汗國就得到一大筆錢。
經過1649年11月到1650年1月期間舉嘅會議，《茲博羅夫條約》得到波蘭國會批准，但波蘭天主教會拒絕接受條約當中「邀請東正教基輔都主教蕭維斯特勒·哥思夫（Сильвестр Косів）加入波蘭王國參議院」嘅條款，因此雙方好快就再度陷入敵對狀態。
1651年初，波蘭再次大舉入侵烏克蘭，攻佔咗基輔。9月，博夏丹·夏美爾聶茨基被迫簽署《白教堂條約》，在冊哥薩克人減到兩萬人，自治範圍亦都只剩返基輔。
參考
編輯- 《俄羅斯帝國》 白建才著 三秦出版社 ISBN7-80628-391-9/K.147