茶花

茶花（粵拼：caa4 faa1；學名：Camellia japonica）；第個名係山茶（saan1 caa4）；古代嗰時嗌過海石榴（hoi2 sek6 lau4*2）嘅名；佢係山茶科山茶屬嘅常綠灌木仔或喬木仔，原產地喺中國內地。

How to read a taxobox

茶花

物種分類

界	植物界 Plantae
門(Divisio):	被子植物門 Magnoliophyta
綱	雙子葉植物綱 Magnoliopsida
目	杜鵑花目 Ericales
科	山茶科 Theaceae
屬	山茶屬 Camellia
種	茶花 C. japonica

二元學名

Camellia japonica
L.

另外，茶花既係中國內地比較出名嘅花，又係保護環境同淨化空氣嘅一種植物。由於佢嘅花比較靚，所以全世界嘅園藝界都成日睇重佢。

形態

茶花喺唔同品種都唔一樣高度，有啲高到幾丈都有，有啲凈係得幾尺咁矮。有啲品種嘅枝葉比較密，有啲品種就松到好瀟灑嗰隻。樹葉帶有革質，成年都比較綠。花嘅直徑有5——11cm，有啲可以去到14cm，有單瓣同重瓣兩個品種。不過單瓣可以結果，而重瓣嗰啲就唔結果。花色方面，有好多種，冇固定。

用途

茶花可以畀人嚟睇之外，佢嘅花籽同枝葉重可以用嚟食或做藥。

藥用價值

茶花嘅花籽同枝葉嘅藥用方面，可以醫嘔血、衄血、肚疴、疴血。

栽培史

中國內地喺培養茶花嗰時係追溯到隋唐時期，嗰時茶花係入咗宮廷同百姓嘅庭院入面^[1]^[2]。到咗大宋嗰時，已經周街都係茶花喇。之前南宋詩人范成大曹就專門寫咗「門巷歡呼十里寺，臘前風物已知春。」嘅詩嚟讚茶花^[3]。甚至連大明嗰時，李時珍寫嘅本草綱目、王象晉寫嘅群芳譜；清朝嗰時樸靜子寫嘅茶花譜呢啲有關書籍，都寫到茶花嘅嘢。而茶花喺國外嘅傳播方面，喺公元7世紀就傳到日本，甚至喺公元18世紀傳到歐美嗰頭。