茶樓
(由茶館跳轉過嚟)
茶樓（粵拼：caa4 lau4）係以前飲茶食點心嘅食肆。細緻啲分茶居同茶樓，前者得一層，而茶樓係有樓梯嘅幾層高樓，例如上環高陞茶樓。不過，係咪茶樓都係任人叫啫。
舊時
編輯舊時嘅茶樓樓底好高，天花吊住架大風扇，圓檯圓凳兼夾無挨凭。茶樓或有少量卡座，檯下低周不時擺住個痰罐，畀阿伯痰上頸不時之需。而茶盅水煲之類嘅物件家下唔多見。侍應九成係由長者出任，重好興將一塊白色毛巾搭落膊頭度走圍行。舊式茶樓做熟客仔生意，罕有女士前來幫襯，小童免茶芥響當其時已係成例。茶樓墻上高有勾畀人客掛雀籠，事關舊底好多阿伯歡喜撚雀當係世藝。
而家
編輯而家茶樓變晒酒樓，好靚嘅裝修同埋貴到飛起嘅點心。有啲連手推車叫賣點心嘅阿嬸都唔用，改埋寫紙仔。部長全部西裝骨骨，又戴晒耳機。