菊坡學派係嶺南學術史上第一個學術流派，始創者係南宋思想家崔與之。崔與之號菊坡，呢個學派因佢嘅號得名。「菊坡學派」嘅學術思想豐富，廣涉哲學、政治、軍事同事功。
崔與之（1158-1239），又名星郎，字正子，一字正之，號菊坡。係廣東增城崔屋村人。祖籍河南卞京（而家開封），曾祖因亂南遷。博陵郡望。父世名，屢試不中，潛心學醫，有「不為良相，則為良醫」之說。崔與之喺南宋紹熙四年（1193年）中進士，授尋州司法參軍。調淮西提刑司檢法官，成為廣東由太學取士嘅第一人。
