華僑新村 (廣州)
23°08′13.76″N 113°17′21.10″E / 23.1371556°N 113.2891944°E
華僑新村（粵拼：waa4 kiu4 san1 cyun1），係廣東廣州嘅一個別墅屋苑區，喺越秀區（原東山區）北邊淘金隔離，原基礎係蜆殼崗、玉子崗同蟠龍崗[1]。屋苑東邊黐著黃花崗七十二烈士墓；南邊黐著環市東路；西邊黐著淘金路；北邊黐著廣深鐵路。
佢既係共和國後起出來嘅大中華大城市度第一個最大型嘅華僑屋苑，又係廣州市人民政府公佈嘅第一批14個廣州歷史文化保護區之一，定位係現代西式洋樓群[2]。
史 編輯
1954年11月，廣州市人民政府召開第廿次委員會議，貫徹中央《關於便利華僑建築房屋與興辦公益事業的指示》，成立咗廣州市華僑新村籌建委員會，下設辦公室，負責曬新村建設嘅事宜。屋苑啲土地由政府揸著，起屋用啲地要同政府租返來先得，仲要畀埋地租同房產稅，嗰陣定落話新屋可以頭3年內唔收啲房產稅，起好嘅物業係私家持有得嘅[3]。
1955年揀咗淘金一帶起新村，同年5月開工，直到1958年搞掂一期工程，二期工程直到1966年起好。規劃設計經過咗市規劃部門批准，同埋設計委員會專家嘅審定。屋苑落成後，廿幾個國家同地區啲華僑同僑眷都嚟嗮度住，甚至俾嗰時嘅民主革命家——何香凝話佢做「華僑海歸嘅幸福樂園」，
文革後，服務公司試過喺和平路開商場，增設咗街市同燈光夜市。華僑新村原先嘅人工湖後尾畀徵用填平咗，喺1985年9月15號，由廣州文化發展總公司同林增（香港）投資有限公司簽約，喺人工湖原址起咗25層高嘅文化假日酒店[1]。
2011年俾中國國務院僑務辦列佢入全國社區僑務工作明星社區。
概況 編輯
屋苑佔地68萬方，總建築面積12萬方，入邊有177個獨立花園庭院，391間公寓，有附設小學同幼稚園[2]。屋苑入面有好多綠化，路兩邊種咗好多熱帶同亞熱帶啲植物，而且每個路段都唔一樣。每年二三月時開好多紫荊，四五月時紅花楹開好多花，六七月開好多白蘭，秋天超多榕樹。尤其喺各家各戶嘅庭院，重有好多又高又大嘅南洋杉、椰子樹……令到個社區有啲異國風情噉。
交通 編輯
連出去 編輯
- 〈广州华侨新村风云录 十年浩劫物是人非〉. 《廣州日報大洋网》. 2015-07-28.
- 〈廣州華僑新村風雲錄〉. 《金羊网》. 2013-06-22.