華萃薪傳：第二屆全港小學中國歷史文化常識問答比賽

華萃薪傳─第二屆全港小學中國歷史文化常識問答比賽係由教育局主辨、中國文化研究院協辦嘅小學校際問答比賽，目的係鼓勵小學生加深對歷史文化嘅認識，提高學習興趣，營造學習氣氛。

參賽資格

喺2021/22學年喺香港教育局註冊嘅小學讀緊四年級至六年級嘅學生。

比賽形式

第一階段

初賽，網上問答比賽

• 每間學校最少要有二十位學生參賽，參與初賽人數冇上限。
• 參賽學生必須以大會所提供嘅帳戶登入指定網上平台作賽。
• 每位學生只可以參加比賽一次，喺限時十五分鐘之內，回答三十條題目，題目範疇圍繞歷史、文化、地理、語文、經典名篇與名句等。
• 分數最高嗰五間學校獲得晉身第二階段嘅參賽資格。

第二階段

第一回合：博古佑今「必答題」

主持會逐一向每間學校發問一套五條嘅指定題目同提供答案選項，每答啱一題加100分，答錯或棄權唔扣分，冇得補答。

第二回合：「分」秒必爭「搶答題」

參賽隊員需要鬥快撳掣搶答，每答啱一題加200分，答錯或棄權扣200分，冇得補答。答啱嗰隊可以喺一幅由16格組成嘅圖像開其中一張，估裏面嘅成語，成功估中嗰隊可以得到200分，但估錯就要扣200分。

第三回合：終極大挑戰

每間學校嘅隊員需要以合件嘅形式完成兩題題目，答啱每個答案會得到100分，答錯得0分，唔會扣分，冇得補答。

得獎學校

• 冠軍：英華小學
• 亞軍：道教青松小學 (湖景邨)
• 季軍：保良局莊啟程第二小學
• 第四名：保良局陸慶濤小學
• 第五名：東莞同鄉會方樹泉學校