葡萄牙人 (國歌)
《葡萄牙人》（葡萄牙文：A Portuguesa），係葡萄牙共和國嘅國歌。歌詞譜自亨利克·洛佩斯·德·孟東薩（Henrique Lopes de Mendonça），由歐弗利多·奇（Alfredo Keil）作曲。由於英國喺19世紀末落最後通牒挑釁葡萄牙，要葡萄牙軍隊退出喺安哥拉同莫三鼻給之間嘅領土，激起咗民族主義嘅熱潮，所以誕生咗呢首富有戰鬥力嘅歌。1910年葡萄牙共和國成立，呢首歌成為國歌。
| 《葡萄牙人》 | |
|---|---|
.gif) | |
 葡萄牙國歌 | |
| 作詞 | 亨利克·洛佩斯·德·孟東薩，1890 |
| 作曲 | 歐弗利多·奇，1890 |
| 採用 | 1910年10月5號（實際使用） 1911年7月19號（法律確認） |
歷史
編輯19世紀末，正值葡萄牙共和運動興起嘅時候，葡萄牙布拉干薩王朝提出咗粉紅地圖計劃，希望佔領葡屬安哥拉同葡屬莫三鼻給之間嘅英國殖民地（即係今日嘅贊比亞全境同今日津巴布韋部份領土），重向本國百姓加重徵稅，作為實行計劃嘅資金來源。
1890年1月11號，英國發出最後通牒，要求葡萄牙全面放棄佢嘅粉紅地圖計劃。之後英方更派軍艦遠赴首都里斯本港口，威脅葡方如果唔下令撤走非洲莫三鼻給同安哥拉之間嘅葡萄牙軍隊，就會對里斯本開火。朝廷喺英國嘅威脅下，唯有應承英方嘅條件。
朝廷被迫接受英國條件呢件事傳出，國內民眾譁然、重發生騷亂；原本因徵稅而仙都唔仙下嘅葡萄牙民眾，對國王不滿嘅程度火上加油；令佢哋對君主起疑，希望推冧王室，建立共和。
共和黨人作家孟東薩有感於此，作咗一首詩，敦促佢嘅同胞為祖國戰鬥（Pela Pátria lutar），重透過描寫海軍來稱頌國家，尤其係15到16世紀嘅歷史。歐弗利多·奇（Alfredo Keil）為首詩作曲，呢首歌即刻得人鍾意，表達咗葡萄牙人對葡萄牙當局向英國人跪地喂豬乸嘅唔啹。
1891年1月31號，共和主義者喺葡萄牙北部城市波圖起革命，高唱呢首歌。後來革命被鎮壓，歌曲亦被取締。1910年10月5號，革命成功推冧布拉干薩王朝，廢除君主制，建立葡萄牙共和國。1911年，呢首歌正式立法變咗葡萄牙嘅國歌。
1999年12月20號，《葡萄牙人》喺澳門嘅國歌地位畀《義勇軍進行曲》取代咗。
歌詞
編輯呢首歌嘅歌詞淨係包含孟東薩原詩入面嘅第一段同重句，之前原詩嘅第二同第三段都冇納入歌詞入面；而歌詞重句入面嘅第五句係"Contra os canhões marchar, marchar!"，意思係「冒住炮火前進，前進！」；但原詩係"Contra os Bretões marchar, marchar!"，意思係「冒住英寇前進，前進！」。
| 葡萄牙國歌 Hino Nacional Português | |
|---|---|
| 葡文原文 | 相若翻譯 |
| 第一段 | |
|
Heróis do mar, nobre povo, |
海上嘅英雄，高貴嘅人民 英勇同永恆嘅國度， 等今天再次騷下 葡萄牙嘅輝煌喇！ 喺記憶嘅迷夢入面 祖國發出咗佢嘅吼聲： 你哋偉大嘅祖先 一定會領導你哋直到贏爲止！ |
| 重句 | |
|
Às armas, às armas! |
擸起架罉！擸起架罉！ 捍衛疆土！保衛領海！ 擸起架罉！擸起架罉！ 為祖國戰鬥喇！ 冒住炮火前進，前進！(*) |
| 第二段 | |
|
Desfralda a invicta Bandeira, |
昇起唔能夠侵犯嘅旗幟， 飄揚喺活躍光明嘅半空中！ 令歐洲喺大地上嗌 葡萄牙重未消失！ 錫下你哋嘅土地喇！ 海洋、愛嘅咆哮、 同你凱旋嘅軍隊 已喺塵世入面建立咗新嘅世界喇！ |
| 重句 | |
| 第三段 | |
|
Saudai o Sol que desponta |
向旭日致敬 喺開心嘅遠景中； 令進攻嘅回波 成為重生嘅徵兆！ 燦爛黎明嘅光映 就是媽媽嘅摯吻 用來維持我哋，支撐我哋 抵抗瞬間嘅侮辱。 |
| 重句 | |
睇埋
編輯- 葡萄牙國歌--葡萄牙人
- A Portuguesa - 葡萄牙政府網站 （葡萄牙文）
- Hino Nacional - 慶祝葡萄牙共和國成立一百週年網站 （葡萄牙文）