葫蘆 (啤牌)

葫蘆fu1 lou4*2（亦有寫成夫佬、俘虜，英文：Full house）係啤牌組合，結合三條同單啤嘅特點，即係五隻牌入面要有三隻相同點數嘅牌，再另加兩隻相同點數嘅牌，機會率只係得0.1441%。「葫蘆」呢個名係嚟自「Full」嘅音譯。

葫蘆

術語

除咗叫呢種牌形做葫蘆之外，有時亦都會想講埋佢嘅大細，咁就講成「X葫」，當中X就係有三隻一樣嗰個點數，例如右圖嗰個葫蘆就叫佢做「5葫」。

比較大細

葫蘆喺十三支同鋤大弟都細過四條，大過花；但係呢個牌型喺台灣大老二唔可以壓蛇。要比較唔同嘅葫蘆，淨係需要睇佢有三隻一樣嗰個點數，例如傾葫大過3葫，就算3葫係搭啤煙都冇用。

葫蘆喺鋤大弟嘅優勢

喺鋤大弟打5隻嘅時候，葫蘆喺5隻嘅互壓通用牌型排中間（同花順>四條>葫蘆>花>蛇），所以唔大但又唔係細。

花同順都唔成啤（只係散牌組成），通常要拆著啤嚟先出到，加上仲要可能抽走大牌去出但又唔大；但相反，夫佬唔同嘅地方係，你可以將佢睇成滔啤，咁樣出除咗方便留番啲大牌畀自己，同時間又可以比人哋大、加上如果三條部分太大又冇乜必要唔想出嗰話，可以拆散慢慢打。基本上人家出過啲咩大蛇大花都冇用，因為只要係一堂好細嘅夫就已經夠話事，除非仲有。

一般炒人嘅好牌都有一堂大葫（10葫以上）+ 一堂蛇、花或者甚至係葫蘆或四條 + 一啤弟。

同埋如果你先出，當你有葫蘆但牌唔好，一開始走葫都係一個好選擇，因為博人冇就可以再走多幾隻又唔使被人炒。

台灣十三支俗語

台灣有一個俗語叫「兩亂顧一蘆」，牌型為「烏龍、烏龍、葫蘆」（無、無、葫），意思即係即使衰咗大部分，但係至少保住最後僅有嘅優勢。