蓮峰體育中心係喺澳門罅些喇提督大馬路嘅運動場，觀眾席有2,200個座位。澳門甲組足球聯賽同埋澳門學界足球賽都會喺呢度踢。
蓮峰體育中心
早喺1932年蓮峰體育中心嗰度已經用嚟賽狗。澳門政府喺1940年間改建呢段地段做運動場，定名為「五二八運動場」，俗稱「蓮峰球場」。1989年，澳門政府斥資將田徑場舖以全天候泰坦跑道。1986年增建一座室內暖水游泳館，內設兩個游水池，係澳門第一座開放畀公眾嘅暖水游水池。而其中一個游水池重係專門為畀傷殘人士用而設計嘅。1998年，游泳館再裝修擴建，增設室內體育館，可以搞各項室內運動項目。
