蔣緯國

蔣緯國（1916年10月6號—1997年9月22號），字建鎬，一字存東，號念堂，係蔣中正養子，中華民國軍事同政治人。佢係中華民國陸軍二級上將，裝甲兵科。佢嘅生父係戴傳賢，生母係日本人重松金子，生於日本東京，籍貫浙江奉化。佢早年被送去納粹德國學軍事，學到新式戰法，之後去美國留學。佢參與過抗日戰爭同國共內戰，1949年隨國民黨搬去臺灣，往後長期任職中華民國國軍。佢亦擔任過中國美生總會嘅會長。

蔣緯國
喺德國留學嘅蔣緯國，早於1939年
個人資料
出世	(1916-10-06)1916年10月6號 大日本帝國東京
死	1997年9月22號(1997-09-22)（80歲） 中華民國臺北市
配偶	石靜宜（第一任），邱如雪（第二任）
仔女	蔣孝剛

屋企

蔣緯國響1944年曾經同大華紗廠老細石鳳翔個女石靜宜結婚，但石靜宜響1953年因為難產而死。因為石靜宜已經流產咗九次，所以有人懷疑佢嘅死同蔣中正有關，但呢個講法未證實。

1957年，蔣緯國同中德混血兒邱如雪響日本結婚，生咗一個仔蔣孝剛，但係生咗個仔冇耐兩個人就分開住，邱如雪帶埋個仔去美國，而蔣緯國就留響台灣。