藍蝴蝶花
藍蝴蝶花（粵拼：laam4 wu4 dip2*6 faa1；學名：Iris tectorum）；又叫鳶尾（jyun1 mei5）；佢係蝴蝶花科蝴蝶花屬嘅長年生草本單子葉植物，原產地喺中國嘅華中地區同日本嘅北溫帶地區，喺亞洲、歐洲同北美洲都可以搵到佢。呢種植物嘅植株係草本植物界入面，其中一種比較strong嘅植物。
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| 物種分類 | ||||||||||||||
| ||||||||||||||
| Iris tectorum Maxim. | ||||||||||||||
|
Iris tectorum Maxim. f. alba Makino |
名
編輯由於佢嘅花開到好似啲蝴蝶噉，加上佢成日都係藍色或紫藍色，所以喺粵語界入面（尤其係廣州嘅街坊），成日嗌佢係「藍蝴蝶花」。
形態
編輯呢種植物係由同色嘅花瓣組成，冇花萼同花冠嘅區分。而花被方面，上下各有3嚿，一共6嚿，搞到好似隻大蝴蝶噉。而花嘅中間有嚿向下㕪落嚟嘅子房，柱頭3裂，搞成3嚿細嘅花瓣仔。而且每嚿花瓣都將雄蕊冚住咗。而花色方面，大多數都係藍色或紫藍色，其它顏色嘅品種比較少。而樹葉方面，好似把劍噉，革質。有啲甚至喺冬天都唔謝鷄嘅。佢唔理佢有冇花開都好，啲葉都幾得人鍾意吓。
用途
編輯藍蝴蝶花唔單止可以當成花卉俾人睇，而且佢嘅根同莖可以做藥，可以醫食滯、脹痛，癥瘕積聚，臌脹，腫毒，痔瘺，跌打損傷，重可以用嚟做庭院嘅裝飾植物。
有關嘅書
編輯- 中国少年儿童百科全书 自然·环境 第425页 浙江教育出版社 ISBN 7-5338-1946-2/G·1942
出面網頁
編輯
維基同享中有關藍蝴蝶花嘅資源類- 昆明植物研究所。〈鸢尾（原变型）〉。《《中国高等植物数据库全库》》。中国科学院微生物研究所。喺2009-02-24搵到。
- 鸢尾 河南省绿洲园林有限公司
- 鳶尾 Yuanwei 藥用植物圖像數據庫 (香港浸會大學中醫藥學院) （繁體中文）（英文）
