藍雪寶

藍雪寶（英文：Ada Lam），香港激進親中派人士，正職從事特殊教育工作廿幾年。佢嘅親建制同埋撑警言論，得到唔少人嘅關注，有啲支持政府嘅內地網民稱呼佢做「正義姐」^[1]，但亦因為佢人身攻擊言論，被民主派支持者批評。

政治立場同爭議

佢係激進親中派人士，曾經對唔同民主派人士作出人生攻擊，對美國人亦持敵視態度。例如喺2020年7月，佢就曾經同多名激進親中派人士抗議，要求港府關閉美國駐港總領事館同埋驅逐佢哋嘅駐港人員出境^[2]。

另外，佢亦曾經發表非人化仇恨言論，以「曱甴」稱呼參與反修例運動嘅科大學生^[3]。而就佢多次對民主派嘅人身攻擊，教育局喺2021年4月對佢發出警告信，話佢言論粗鄙冒犯，涉及專業失德，警告如有再犯會考慮取消佢嘅教師註冊^[4]^[5]。

另外，喺武漢肺炎香港疫情初期，有醫護人員想避免中國內地疫情傳播去香港，醞釀以罷工手段爭取，佢就話呢啲醫護人員係禽獸^[3]。

喺2019年香港區議會選舉，藍雪寶曾經發佈假新聞話當選人之一、民主派嘅陳梓維係智障，帶頭侮辱弱智人士，又鬧選民白痴，又喺Facebook 寫「我同學生講，大家多條出路啦！」^[4]。

有網民話藍雪寶同校老師何穎文，曾經喺網上及大紀元爆料，話佢成日「一哭二鬧三上吊」，對同事都經常性係恩將仇報，係教育界嘅陳淨心/李偲嫣^[6]。