蘇菲的世界
《蘇菲的世界》（挪威話：Sofies verden，英文：Sophie's World）係挪威作家佐士藤·賈多（Jostein Gaarder）寫嘅哲學懸疑小說，喺1991年以挪威話初版。書名嘅「蘇菲」對應英文係Sophie，Sophie係書中女主角嘅名，同時取西方語言中「智慧」嘅雙關義。成本書主要以蘇菲同佢嘅哲學老師亞拔陀（Alberto Knox）嘅對話錄來向讀者介紹西洋哲學。
大要
編輯1990年，蘇菲（Sophie Amudsen）呢個14歲挪威女仔一直同佢阿媽同啲寵物住埋一齊，老竇做船長長年在外（佢老竇喺書中只係提到下，并無現身。）
有一日佢收到封發自黎巴嫩、畀一個叫曉朵（Hilde）嘅女仔嘅明信片，重有一封匿名信，信中問佢「你係邊個？世界係怎來嘅？你要去邊？」。蘇菲疑惑呢啲問題，想答又答唔出，無耐，佢就陸續收到呢啲匿名信，呢啲信都係亞拔陀寫畀佢嘅哲學信，佢就從中學西洋哲學。
之後越學越深，隨情節發展，佢同佢老師嘅聯繫方式一變再變，最後係老師面授課程，而蘇菲嘅世界亦不停且越來越頻繁發生奇異事件，而且都同曉朵及佢老竇相關。
講到白利（Berkeley）嘅哲學時，蘇菲終於意識到咩事：原來佢同佢老師、以及佢周遭嘅世界都係虛構出來嘅，都係書中嘅世界，寫書人就係曉朵嘅老竇，佢為咗幫個女慶生，就寫咗本書當曉朵嘅15歲生日禮物，順便教個女哲學、教佢思考人生世界。
當佢學曬成部西洋哲學史時，佢同佢老師就著手運用哲學智慧來擺脫曉朵老竇嘅左右，希望可以擺脫出書中虛構嘅世界，令自己獲得自由獨立真實嘅存在。最後小說結局係開放嘅，蘇菲佢哋莫名其妙噉走出書中世界，來到曉朵佢哋嘅世界，而至於曉朵佢哋又能否走出《蘇菲的世界》，噉就係開放嘅。
呢本書係部哲學書，一方面通過展現幾千年嘅西洋哲學史來畀讀者增長呢方面嘅知識，另一方面亦通過個古仔來讀者傳達嘅哲學嘅精神，就係一種永不放棄追尋真理而唔理真理幾難追得嘅精神。
大陸中文版有刪節
編輯《蘇菲的世界》喺中國大陸出版時（蕭寶森譯），馬克思一章嘅結尾處嗰32個段落由於政治原因畀中國政府去咗，不過網上可以搵到失咗嘅段落嘅英文版、中文譯文。