蛇島戰役

蛇島戰役係2022年2月24號俄羅斯入侵烏克蘭嘅時候發生喺黑海蛇島上嘅戰役。

經過

雙方開火前，俄羅斯戰艦先向蛇島上嘅13名邊防部隊人員（俄羅斯話有82個軍人）發出警告：

蛇島，我係一艘俄羅斯戰艦，我建議你哋放低武器投降，否則我哋會開火，聽唔聽到？

之後蛇島嘅邊防部隊人員回應：

俄羅斯戰艦，屌你老母！（俄文: 'Русский военный корабль, иди на хуй'）

對話後無耐兩艘俄羅斯戰艦向蛇島開火，有邊防部隊人員直播戰艦開火嘅情景，喺當日傍晚時分，烏克蘭邊防局表示同島上部隊失去聯繫。

烏克蘭當局首先話13名邊防部隊人員全部拒絕投降而死晒，後來話佢哋未死，只係被俘虜。

俄羅斯當局話82名軍人全部被俘虜，佢哋簽署協議承諾唔會對俄羅斯軍方採取軍事行動就會好快釋放。

烏克蘭話「莫斯科號」喺2022年4月13號中咗兩枚海王星導彈，^[1]俄羅斯國防部喺4月14號話「莫斯科號」沉咗，但就冇話係畀導彈打中。^[2]

反戰示威

「俄羅斯戰艦，屌你老母！」呢一句話喺網上廣傳，成為烏克蘭支持者同埋反戰嘅人嘅口號。

烏克蘭總統澤連斯基之後宣佈授予13名邊防部隊人員烏克蘭最高軍事榮譽「烏克蘭英雄」。