蛇綠岩套係一種具特定垂直嘅岩石序列，反映海洋地殼嘅構造。所以一般人觀察到嘅這種岩套都經歷過地殼版塊碰撞，先至可以透過造山運動由海牀抬升到海平面上。
上圖顯示，岩套頂層係0.3公里厚嘅深海沉積物，例如石灰岩同燧石，然後係0.3-0.7公里嘅噴出性枕狀玄武岩、1-1.5公里無間斷嘅片狀岩脈、2-5公里嘅葉狀同層狀入侵性輝長岩，最底層係代表地幔嘅超基性橄欖岩。地質學家就係靠佢了解海洋地殼有幾厚。[1]
