蛙式
蛙式係游水方式，亦係游水比賽項目之一，模仿青蛙游水嘅泳式，特色係雙手同雙腳需要進行相同動作。
蛙式重點
編輯雙手喺頭前面合埋伸直，向兩邊分開劃水至胸前，再回復向前伸為一個完整嘅循環動作；腿部動作係兩腿略為分開，屈膝、勾腳踠，向後蹬直合埋為一個完整嘅循環動作。
比賽規則
編輯喺出發同轉身後嘅手部動作開始，蛙式參賽者嘅身體一定要保持背脊向上嘅姿勢，膊頭亦要同水面成水平。雙手一定要喺胸前同喺水面下滑前同劃後，而且除咗喺出發後嘅划水或轉身後嘅划水，手部唔可以超越臀部。亦唔可以有捷泳或蝶式嘅腿部踢水動作。喺轉身同完成賽事嘅時候，一定要雙手同時掂池邊（喺水面上或水面下都可以）。喺任何時間，雙手同雙腳嘅動作一定要對稱。