倡議行動

倡議行動，用種種行動達到倡議目標，目的令社會更好。無論推動定阻撓，指使定干預，總之見到改變，就要行動。可以促進，可以抗拒。改變指改革，可以社會上、政治上、經濟上，又或者環境上。

巴黎公社設路障

示威

倡議行動有好多唔同名，如倡議，如行動主義，如活動主義、活躍主義、積極行動主義、直接行動等等。以往倡議行動會用喺左翼身上，所以有激進主義之稱。然而依家右翼亦都冠名倡議行動，例如抵抗左翼某啲變革。

而形式就非常之多。社區入便建立授權，寫信畀報紙，向民選官員請願，參與政治運動，優先幫趁某啲商家，抵制某啲商家，以及示威，好似集會、街頭遊行、罷工、靜坐、絕食等。

日常倡議行動同樣各式各樣，例如藝術行動，用藝術創作。又如侵入電腦行動，侵入人家電腦。又簡單如經濟行動，揀自己使錢方式。就好似有商家對工人唔好，就唔買佢啲貨。要有大影響，就要集體行動，協調眾人抗議。若果行動有目的，有組織，又持續而行，咁就變成社會運動。