表面波（粵拼：biu2 min6 bo1）係泛指沿住兩種物質嘅交界（例如水同空氣）傳播嘅力學波動。表面波主要集中喺介面附近，而唔係深入物質內部。表面波嘅常見例子有海上便嘅波浪。
喺物理學入便，波動係一種能量嘅傳播方式，唔使搬運物質，但會令介質振動。例如聲波係空氣粒子震動而傳播、光波係電磁場震動。
表面波通常發生喺一種密度高、一種密度低嘅物質之間，例如岩石同空氣、水同空氣之間。由於波集中喺表面附近，佢哋會產生特別嘅震動模式，令到地面、海面或者材料表層出現強烈擾動。
