裸沽空

裸沽空（英文：Naked Short Selling，或者叫Naked Shorting），又叫裸賣空，係沽空（英文：Short Selling，或者叫Short）既一種。同一般既沽空唔同，裸沽空既投資者係喺手上無借入股票，只係相信自己會喺交割既時候有足夠既股票去平倉，就咁喺市場上賣出佢未持有既股票，目的係喺股價再跌既時候買返已經沽出既股票，從而獲得利潤。

裸沽空係高利潤、高風險既投資。如果沽空某股票之後，股價大跌，投資者可以低價買入佢沽空咗既股票去平倉，咁佢就可以賺到買賣差價既利潤。相反，如果沽空某股票之後，股價大升，投資者會被迫高價買入佢沽空咗既股票去平倉，咁佢就可能偷雞唔到蝕揸米，甚至蝕到阿媽都唔認得。

想要降低裸沽空既風險，投資者只可以沽啲成交量好多既股票，如果唔係，啲貨好容易歸邊，咁就好容易俾人夾倉（或者叫挾倉，英文：Cornered），被迫要掛個超高既價去買貨平倉。