西漢南越王博物館
| 西漢南越王博物館建築群 | |
|---|---|
| 廣州市歷史建築 | |
 | |
| 喺邊 | 越秀區 |
| 座標 | 23°08′26″N 113°15′20″E / 23.14044°N 113.25556°E |
| 籌 | GZ-01-0006 |
| 登錄 | 2014年1月26號 |
成立
編輯喺1983年6月9號，由於象崗俾人刨走咗17米，本嚟建築工人想起間公寓嘅，結果喺挖緊地基嗰陣，就發現咗南越國第二代國王——趙眜嘅墳墓，重搞出咗好多文物出嚟。後嚟喺嗰年10月8號開咗個大會，話唔起公寓喇，而係準備起間博物館。到咗1983年12月9號就成立咗南越王墓博物館小組，間博物館喺1986年12月27號開始逳手起；一期工程喺1988年2月8號搞掂；而凈低嘅二期工程就一直到1993年2月8號先至全部搞掂嗮。
展覽區
編輯南越王墓有3個展覽區，分別係南越王墓原址保護區、綜合樓同埋主體樓呢三個。不過參觀嘅順序係：綜合樓→主體樓→南越王墓原址保護區。
綜合樓
編輯博物館嘅綜合樓喺入口最前面嗰度，門有成1300幾嚿整成嘅兩棟闊35米，高12米嘅紅砂岩石壁。佢有4396平方米咁大，一共有3層樓高。其中1樓係服務台、遊客中心、貴賓廳、錄影資料廳、紀念品銷售廳等。2樓嘅東邊係楊永德先生同佢嘅夫人——楊張瑞貞女士畀出嚟嘅藏枕專題啲嘢，凈低嘅展廳同埋3樓都係嚟搞臨時展覽，而且係求其搞下短期展覽。
而錄影資料廳重可以睇到點解佢哋可以挖到成個古墓嘅過程，重可以揀普通話、粵語、閩南話、英文、法文、德文、日文、西班牙文呢等8種語言，而呢啲片係唔使畀錢都可以睇得（包括埋綜合樓大廳入面出嘅導覽資料）。喺綜合樓入面重可以請導遊嚟講解，佢有普通話、粵語、英文、日文等語言嘅導遊；重可以租錄音導覽機都得。
主體樓
編輯南越王墓原址保護區嘅出口出面係主體樓嘅廣場仔，嗰度有三棟仿巴黎盧浮宮嘅藍色細金字塔仔嘅玻璃光棚響度。而主體樓喺博物館嘅北邊，有4262平方米咁大，一共有兩層樓同五個展廳響度。
南越王墓原址保護區
編輯成間博物館嘅佈局講嘅係南越王墓遺址。而古墓嗰度係用咗鋼架結構同藍色嘅鍍膜平板玻璃材料，攞咗漢武帝茂陵覆斗嚟搞出嘅防雨防曬保護棚罩。入面有周長為176米嘅方形連廊。入咗去保護棚就睇到墓葬嘅上面結構同夯土。中間重有條去墓入面嘅通道到陵墓前室，嗰度可以畀參觀者落去睇都得。
攞過嘅獎
編輯- 國家優秀設計金獎
- 國家教委優秀設計一等獎
- 建設部優秀設計一等獎
- 中國建築學會建築創作優秀獎
- 國際建協（UIA）第20屆世界建築師大會當代中國建築藝術創作成就獎
- 20世紀世界建築精品（國際建協）
- 「羊城之光」廣州改革開放20年十大建築專案（1998年）
門飛信息
編輯開放時間：
- 每日09:00—17:30（16:45—第二日08:58唔畀入場）
- 每年2月28號同8月31號閉館
門票：
- 散客：￥12
- 大學生：￥5
- 團客：￥10
- 軍人、武警、傷殘人士、中小學生、＞70歲嘅老坑：免費
