西牛貨洲（梵文音Aparagodānīya或者Aparagoyāna），又叫西牛賀洲、西瞿耶尼洲，係佛經所記四大部洲之一[1]，係佛敎世界觀一部份。佢形似望月（滿月），㘣形，喺須彌山西[1]，畀大鹹水海包圍。洲多牛，用牛做買賣，所以叫牛貨。洲中有樖高樹。
大洲兩側有兩中洲，一樣樣嘅，只不過細啲。周圍重有數百小洲。
大洲有西方廣目天王守住。
《西遊記》中，如來佛所在嘅大雷音寺，就喺西牛貨洲。
