西班牙式月台佈局

西班牙式月台佈局，又叫巴斯隆拿解決方案（西班牙文：Solución Barcelona），係出自20世紀30年代嗰陣嘅巴斯隆拿地鐵入面用嘅月台佈局。呢種設計嘅好處係充分利用列車嘅兩邊車門，所以呢個佈局喺鐵路或者係地鐵站都成日見到，更加唔使問個客流量比較大嘅轉車車站喇。

雙軌式西班牙式月台佈局嘅原理

原理

用一條軌道喺兩組嘅月台入面畀列車嚟停，有時會設計成一邊嘅月台嚟畀乘客落車，而另一邊嘅月台凈係畀乘客上車或者係等車嚟用嘅，兩邊都可以上落車嘅都有。

基本佈局

中間嘅一個島式月台同埋兩邊嘅一對側式月台。喺列車停嗰陣由於兩邊都有月台嘅關係，所以車嘅兩邊都開門囉。而其中一邊嘅月台係畀乘客嚟落車嘅，而另一邊就係畀乘客嚟上車或者係等車嚟用嘅。