西羅馬帝國係由羅馬帝國分裂出嚟嘅一個部份，源自286年被羅馬皇帝戴克里先將帝國分做東西兩邊由唔同人管治（四帝共治制（英文：Tetrarchy）），雖然之後曾經統一返，但自從狄奧多西一世395年過身後將帝國分開畀兩個仔繼承，之後就再無統一過，最後西羅馬帝國喺476年亡國，標誌住歐洲由古典時代去到中古時代。
