香港三尖係坊間對香港三座尖削山峰嘅統稱，但具體有爭議。其中兩尖公認係屯門區嘅青山（海拔583米）同西貢區嘅蚺蛇尖（海拔468米），而其餘嗰個有話係西貢區嘅釣魚翁（海拔344米），亦有話係沙田區同荃灣區交界嘅針山（又叫城門尖）（海拔532米）[1]。
亦有唔要屯門區嘅青山，改做西貢區嘅睇魚岩頂（海拔233米），聯同蚺蛇尖、釣魚翁，統稱做西貢三尖。
