西門慶

西門慶，號四泉，係古典小說《水滸傳》同埋《金瓶梅》既角色，佢同時係一個商人、惡霸、暴發戶、官僚，佢貪財、好色、玩權，係一個典型既土豪形象。

水滸傳

西門慶喺《水滸傳》裡面，西門慶只係一個配角，主要用嚟襯托、對比武松嚟個角色。西門慶同王婆一齊設計、誘引武大郎既老婆潘金蓮，同佢發生咗性關係，後來俾武松發現咗。潘金蓮又用盡一切既方法，利用所有可以利用既機會，對武松百般引誘，不過因為武松係武大郎既細佬，佢雖然唔係不近女色既人，但係佢同潘金蓮受到倫理束縛，所以唔敢，亦都唔會做出對唔住哥哥既事。後尾西門慶同潘金蓮合謀毒死武大郎，俾武松發現咗，最後西門慶同潘金蓮俾武松殺咗。

金瓶梅

喺《金瓶梅》裡面，西門慶係有啲錢又有啲權既人，佢鍾意佢既女人喺同佢發生性關係既時候叫佢做「達達」，又鍾意係女人身上燒香、烙印。

西門慶妻妾成群，佢老婆係吳月娘，二房妾係李嬌兒，三房妾係孟玉樓，四房妾係孫雪娥，五房妾係潘金蓮，六房妾係李瓶兒，七房妾係龐春梅，佢仲有其他偷情對象，總共有二十幾個女人。

西門慶應該幾靚仔下，佢可以納妾得財，而唔係好似其他好色之徒咁納妾傷財，將啲錢揈哂。喺第七回「薛媒婆說娶孟三兒」裡面，西門慶娶咗布商既遺孀孟玉樓做第三房妾侍，「金鐲銀釧不消說，手裡現銀子也有上千兩。好三梭布也有三二百筒」，可見西門慶有能力娶妾侍仲得到好多錢。

喺第十九回，西門慶娶花子虛既遺孀李瓶兒做第六房妾，亦得到唔少錢，李瓶兒既老公花子虛，因為俾兄弟告佢獨吞家財，可以攞出60錠大元寶，總共3000兩，託西門慶去疏通楊提督，可見花子虛同李瓶兒係好有錢既。