觀世音菩薩(粵拼:gun1 sai3 jam1 pou4 saat3) ,簡稱觀音、觀音菩薩,係大乘佛教入面嘅神,彌陀三尊其中一位,係阿彌陀佛嘅左邊侍者。觀音亦係四大菩薩之一。[1] 觀音全名意思係「聆聽世界哭泣嘅人」,所以啲人睇觀音做慈悲救人嘅神靈。觀音同時係道教敬拜嘅神仙,喺道教中叫慈航真人(ci4 hong4 zan1 jan4)。
唐人好尊崇觀音,好多地方都有觀音廟,好多人會慶祝觀音誕。中國浙江舟山嘅普陀山,係出名嘅觀音道場。