觀塘駕駛學院

觀塘駕駛學院（英文：Kwun Tong Driving School）係香港之前一間政府認可嘅駕駛學校，由「優質駕駛訓練中心」營運，1999年投得荃灣駕駛學院嘅經營權，喺2000年2月投入服務^[1]，2006年搬去觀塘並改名做觀塘駕駛學院，原有駕駛學院場地喺觀塘海濱道，即係觀塘海濱汽車渡輪碼頭同觀塘碼頭巴士總站隔籬，學院有專用考試路線，考生可以喺校內考私家車同輕型貨車乙部試（泊位、窄路掉頭、斜坡停車、斜坡開車），同電單車乙部強制試。喺2019年10月1號開始停止提供駕駛訓練同考試服務^[2]。因應起動九龍東計劃，觀塘海濱道嘅指定駕駛學校要重置至到有信街，新場地由「香港駕駛學院」投得，「優質駕駛訓練中心」冇咗經營權^[3]。