記憶衰變理論英文memory decay theory)係有關遺忘嘅一個理論:一件資訊一旦儲咗喺記憶裏面,呢件記憶就會隨時間而「衰變」-時間過得愈耐,個人能夠「成功記住件記憶而且件記憶唔走樣」嘅機會率會穩定噉下降;如果個人一回想返件記憶,件記憶會「重新啟動」;所以如果有件記憶唔係成日要用嘅話,個人會慢慢噉遺忘呢件記憶。亦即係話,「定時定候用一件記憶」係確保件記憶恆定唔走樣嘅主要方法。