試膽（粵音：si3 daam2，日文：肝試し）係舊時日本後生仔女好興玩嘅遊戲，通常喺夏天挨晚天就嚟黑嗮嗰陣先正會玩。參加者要嘗試留喺一啲勁得人驚抑或令人毛管戙嘅埞方，譬如話夜媽媽嗰陣嘅墳場、黑鼆鼆嘅森林、溶溶爛爛嘅廢墟啊噉，嚟測試佢哋抵抗恐懼嘅能力到底有幾勁。喺卡通《多啦A夢》新番第115集《有求必應嘅妖怪》度，就講小夫同埋胖虎諗住嗌埋大雄一齊玩試膽大會，實則諗住自己匿埋扮鬼將大雄嚇餐懵，多啦A夢就攞出一柞妖怪畀大雄幫佢，卒之小夫同埋胖虎驚到冇鞋挽屐走[1][2]。
道了堂跡一條黑鼆鼆嘅山路，正正啱嗮喺度玩試膽大會
.svg){kind=small}