文法
(由語法跳轉過嚟)
文法同語法，即寫文同講嘢，當中一啲規矩。規矩至細講到字詞，至大唔過一句。再細再大就踩入另一範圍，細如音素，大如段落篇章，就唔入語法文法範圍。
嚴格咁分，文法專講寫文，語法專注講嘢，但平常亦會混用，以文法較常用。寫文同講嘢有差異，但唔係下下會分。英文叫grammar，馬氏文通音譯葛郎瑪，訓字式[1]。
為咗教人寫及格文章，歐洲就有師墪文法。師墪文法又叫規範文法，限制人要跟標準，一般教科書就講依種。現實講嘢未必咁，有時差別會好大。師墪文法亦唔係乜話都要有。
又有種叫描寫文法，要當地人實際講法，廣為調查，再歸納成文法。
師墪文法只為方便教學，方便人掌握大概，規矩並唔完整，有啲亦好模糊。唔滿意傳統文法，再深入研究，五花八門，各家各有各歸納。
語文本質，唔似數學物理，有明確不易法則。文法只能講到大概，歸納到就歸納，歸納唔到就放入例外。
文法有特定範圍，可以細到專研莎士比亞作品，咁例外就少啲。範圍越大，例外情況就見多。假設世界有普遍文法，咁就會粗疏到例外都數唔晒。
學術分析
編輯參攷
編輯
