諸葛豐少季琅邪人。西漢官員,官至司隸校尉,以執法嚴明,剛直盡忠而出名。

生平

諸葛豐開頭因為好叻經學而做琅邪郡文學,後來御史大夫貢禹徵命諸葛豐做佢嘅屬官,後又舉薦佢做侍御史漢元帝嗰陣,升諸葛豐做司隸校尉。因為諸葛豐執法嚴謹,同犯罪嘅權貴對抗,得到當時長安人嘅讚賞,漢元帝亦為佢增至光祿大夫以作褒賞。

當時侍中許章因為外戚身份而攞到寵信,做嘢驕橫唔守法度,重縱容門客犯事。諸葛豐因而彈劾許章,要奉上奏章嗰陣,咁啱見到許章出門口,諸葛豐因而以司隸校尉嘅符節要許章落車,重要捉鬼住佢。許章搭車逃走,同諸葛豐追逐,許章最後走到去皇宮向元帝報告,諸葛豐亦向元帝上奏有關許章嘅事。元帝相信許章,貶黜諸葛豐,重沒收佢嘅符節。之後俾人話佢審案犯法,名望少咗好多。跟住諸葛豐又告大夫周堪張猛,但係元帝認為諸葛豐之前大讚佢哋,依家反而告佢兩個,目的係想攞功勳,所以元帝將呢三個人都一齊廢黜[1],最後喺屋企病死。諸葛亮諸葛誕諸葛瑾諸葛玄係佢嘅後代。

參考資料

  • 《漢書.諸葛豐傳》
  • 《資治通鑑》
  • 《三國志》
  1. 根據《資治通鑑》記載,三個都俾元帝廢黜