謝承

謝承（粵拼：ze6 sing4；？—？），字偉平（wai5 ping4），係中國東漢、三國東吳人，出身自會稽郡山陰縣（而家浙江紹興）。佢阿爸叫謝煚，佢阿叔叫謝貞，佢家姐係孫權個夫人謝夫人，佢有兩粒仔，一個叫謝崇，一個叫謝勖。

謝承
東吳 官吏、史家
老豆	謝煚
仔女	謝崇 謝勖
遞啲名
字	偉平

生平

佢原本係吳郡嘅督郵，喺家姐過世後，做官到五官郎中，之後升官到長沙東部都尉、武陵太守。

佢係三國時好博學嘅史家學者，讀書多，見識廣，記憶力強，見過嘅事可以記成世，無幾多遺漏，其中東漢史事尤其知。佢寫咗143卷嘅《後漢書》，不過而家失傳；又寫過七卷嘅《會稽郡先賢傳》，一早就遺失，不過因爲《太平御覽》引呢部書多，魯迅將佢編輯出一卷。

家族

老豆謝煚歷任東漢嘅尚書令、徐縣令。後生時個行動就基於仁同孝，對事物有幾深嘅見解，有優秀嘅才能。

參考

• 陳壽。〈吳書·吳主權謝夫人傳〉. 《三國志》。