謝條根

謝條根（1957年－），台灣新北市人，因為台灣身分證號碼係A123456789，太過好記又容易被人攞嚟做犯法嘢。有啲人會叫佢做「一條龍先生」，佢亦不時引起一啲媒體嘅關注。

佢喺接受媒體訪問嘅時候曾經話，呢個身分證號碼令佢有唔少麻煩，除咗唔少人會攞呢個號碼喺唔同場合做測試，佢仲會無辜捲入網上欺詐、黃牛飛、援交、逃漏稅等罪行，成日要去差館、地檢署澄清，甚至搞到信用破產，想借錢同申請手機號碼都唔得。啲政府機關換發健保卡同身分證嘅時候，宣傳品嘅樣本都用呢個號碼，直到二〇〇五年《自由時報》獨家報導呢組號碼真係有人用，樣本先至改號碼。

新北市政府民政局戶政科長顏耀明喺2020年7月講過可以幫謝條根換身分證號碼，但佢就話自己工作忙，嫌麻煩，年紀又有返咁上下，索性用到底。