議會-經理制政府

議會-經理制政府係主要兩種美國地方政府組成嘅方法之一^[1]，相對於市長-議會制政府。喺大部份有超過1萬2000人嘅城市度都會採用呢種制度嚟組成政府。

喺呢個制度入面，市政府嘅政策制定、立法、撥款同執行監督等權力係由一個由5至11位民選議員組成嘅市議會負責。市長喺呢個制度入面通常只有象徵性嘅職能，例如代表該城市對外，或者只係市議會嘅一個成員，通常都會兼任市議會議長。市政府嘅日常運作同執行市法規嘅權力則由市議會任命一位市經理或者類似嘅職位負責。市經理對市議會負責，佢嘅職責通常都會喺委任合約度詳細列明。理想嘅市經理最好係能力高、冇黨派嘅，但係實際上好難搵到呢樣嘅市經理。