賈巴伍各

賈巴伍各（粵拼：gaa5 baa1 ng5 gok3；簡化字：贾巴伍各；彝文：ꏢꀊꀠꀕꇰ；1983年 9月—2017年 6月14號）係中國大陸嘅緝毒民警，四川涼山昭覺縣人。佢喺2006年從四川警察學院畢業後年半到布拖縣嘅差館做差人，從2010年1月到2017年5月間喺布拖縣先後做過副所長同所長嘅職務。2012年攞過四川省公安基層攞過先進民警嘅獎勵，亦俾四川省公安廳記過佢三等功。2015、2016年呢兩年間先後攞過四川省政法系統先進個人稱號同凉山州十佳优優秀派出所所長嘅稱謂。

2017年6月10號深夜，由於涼山地區發生咗震驚成個四川嘅走私毒品案同爆炸案，令公安機關成立專案組捉犯罪嫌疑人。四日後，專案組知道犯罪嫌疑人嘅行蹤之後去到山上捉人，點知賈巴伍各俾犯罪嫌疑人開槍殺死咗，終年34歲。事發後第二日，犯罪嫌疑人當場俾差佬叉住，而賈巴伍各嘅葬禮亦喺同年6月16號舉行。