賽里木湖的月光
《賽里木湖的月光》係由譚晶、臨渡、劉洲作詞，劉洲作曲、編曲同監製，喺2017年2月18號《歌手2017》第五期節目以全新原創作品第一次發佈，並由譚晶本人命名同演唱。
| 賽里木湖的月光 | |
|---|---|
| 譚晶嘅歌 | |
| 發行日期 | 2017年2月18號 |
| 錄製時間 | 2017年2月9號 |
| 錄製場地 | 湖南衛視1200m2演播廳 |
| 類 | 民族音樂、世界音樂 |
| 時長 | 4:55 |
| 填詞 | 譚晶、臨渡、劉洲 |
| 作曲 | 劉洲 |
| 編曲 | 劉洲 |
| 監製 | 劉洲 |
簡介
編輯呢隻歌係《我是歌手》開播五季以嚟第一次出現全新嘅原創作品。呢隻歌嘅創作背景係以中國新疆賽里木湖做背景，靈感嚟自伊犁本土民歌《阿瓦爾古麗》，並喺前奏加入呢隻歌[1]。
譚晶喺呢隻歌融合咗世界音樂，喺首歌入面加咗7種大部分係非物質文化遺產嘅民族音樂[1]，其中以新疆民族音樂做主打。例如佢請咗新疆維吾爾族歌手、弗拉門戈結他演奏家克爾曼一齊合作，新疆舞蹈家皮達古麗幫隻歌伴舞。將7種樂器融入到流行曲式入面，以西班牙佛蘭明歌嘅旋律[2]，將中國民族音樂嘅精粹融合，做到世界音樂嘅感覺。
譚晶喺表演嗰晚，著咗好中性嘅西裝、頭頂戴咗一頂禮服帽[1]。佢喺嗰晚仲攞到觀眾票選、歌手互投嘅第一名。佢嘅音樂合伙人張大大仲話首歌係譚晶為咗呢個比賽而專門度身定做[1]。另外，譚晶去過新疆留咗十日，話過想透過呢隻歌將民族音樂融入到最潮最流行嘅音樂入面[3]。而今次嘅表演，譚晶都話佢係第一次喺舞台上跳舞、唱快歌，做咗咁多年都冇做過嘅嘢。
創作名單
編輯以下內容整合自網易雲音樂[4]、官方影片：
軼聞
編輯譚晶喺第五集唱咗呢隻歌之後，喺第六集播出前一晚就被退賽，有網民猜測係因為《賽里木湖的月光》嘅歌詞涉及有一度有爭議嘅地名，造成南疆人同北疆人兩邊嘅衝突[5]，並引發社會事件（烏魯木齊七五事件）。
翻唱
編輯- 蔡開麗[6]
參考
編輯- ↑ 1.0 1.1 1.2 1.3 〈《歌手》谭晶玩反串撩翻全场，原创《赛里木湖的月光》玩转民族风〉。金鷹網。2017-02-17。原著喺2020-06-22歸檔。喺2020-06-23搵到。
- ↑ 千帆 (2017-02-22)。〈《赛里木湖的月光》带火了新疆民族乐器〉。環球網。喺2020-06-23搵到。
- ↑ 〈谭晶造《歌手》开播最大悬念 首支原创歌诞生〉。搜狐音乐。2017-02-16。喺2020-06-23搵到。
- ↑ 〈赛里木的月光 (Live)〉。《网易云音乐》。喺2020-06-23搵到。
- ↑ 〈【張敬軒之後】涉政治敏感問題？總政歌手譚晶退賽《歌手》〉。香港01。2017-02-26。喺2020-06-23搵到。
- ↑ 蔡開麗翻唱 Youtube