赫特河省公國

赫特河省公國（Principality of Hutt River），又叫赫特河公國，係一個冇咗嘅蚊型國家，位於澳洲珀斯以北幾百公里，曾經隸屬澳洲西澳洲嘅一部分。1970年4月21號，農場主卡斯勒（Leonard George Casley）同佢嘅幾名追隨者宣佈佢哋所管轄嘅農場領地由澳洲西澳州脫離，成立赫特河省公國。

赫特河省公國位置

赫特河省公國地圖

嗰個國自稱佢嘅獨立已經喺澳洲國土局1989年嘅一封內部信件中得到確認，但澳洲同世界上嘅其他任何國家都從未喺官方場合正式承認過呢個國。

赫特河省公國喺2020年8月3號解散。

史

由於同西澳州政府關於小麥配額嘅問題長期存在爭議，1969年，農場主卡斯勒援引英國叛國法令第1495條，認為省政府嘅行為已經喺事實上迫使佢獨立。終於喺1970年4月21號，佢同佢嘅幾名追隨者宣佈佢哋所轄農場領土，正式由澳洲聯邦共和國分離，公國赫特河省（Hutt River Province）成立，但卡斯勒同時亦宣佈，佢會繼續效忠女王伊利沙伯二世。隨後，卡斯勒由佢嘅家庭成員，亦即係佢嘅國民，選為呢個新國家嘅領導人，卡斯勒亦自封銜頭為「至高無上嘅赫特君主倫納德殿下（His Royal Highness Prince Leonard of Hutt）」。

喺80年代早期，嗰個國曾經改叫做一個王國，但冇幾耐它佢又回復原始嘅公國身份。喺呢個階段，一個擁有超凡領袖魅力嘅成員Kevin Gale加入呢個公國，並好快由貴族頭銜升為攝政王。雖然Kevin Gale住喺昆士蘭省，遠離嗰個國喺澳洲大陸嘅另一端，但佢仍然逐漸把持住公國嘅財政大權，並大規模發行本國嘅郵票同錢幣。同時，佢重喺歐洲同北美積極噉賣赫特河貴族同爵位銜頭。

到90年代初，Kevin Gale喺各個方面嘅運作已經變得越嚟越獨立，佢定期舉辦盛大嘅公共集會，並成日以高調姿態出現喺黃金海岸嘅慈善募捐活動。1995年，Kevin Gale同佢嘅支持者試圖推翻倫納德君主嘅統治，喺太平洋一個島仔上建立真正主權獨立而受外界認可嘅赫特河省公國，但Kevin Gale突然死咗，一切計劃亦隨即宣佈玩完。

Kevin Gale嘅活躍最終引起咗倫納德君主嘅注意，倫納德宣佈呢個攝政王係叛國者，並喺佢死後收番所有嘅貴族頭銜同其他榮譽。從此，對Kevin Gale喺赫特河省公國嘅15年，一直爭議不斷，赫特河省公國嘅官方機構對Kevin Gale為本國做出嘅貢獻亦好少提及。

赫特河省公國喺1995年之後變得越嚟越低調，甚至包括2000年4月21號眾多國際媒體同支持者出席嘅30周年國慶。

澳洲官方對呢個公國嘅解釋係，佢只不過係一個個人行為嘅商業炒作，喺澳洲官方出版嘅旅遊圖上，注明咗該地區幾個特色嘅旅遊景點，並提到嗰個公國已經宣佈獨立。

赫特河省公國自稱獨立嘅事係所有澳洲老一輩嘅國人都知。

2019年12月，赫特河省公國宣佈由於農業收入同遊客數量下降，由2020年1月31號開始關閉邊境至另行通知。2020年8月3號赫特河省公國解散，結束50年歷史。

君主

赫特河省公國歷任兩名君主。

倫納德君主卡斯勒喺1925年8月28號出世，曾經係一名出名嘅律師，但同時又係赫密士主義嘅忠實擁護者，並發表過幾篇關於呢個信仰嘅論文。卡斯勒嘅老婆係「尊貴嘅雪莉王妃殿下（Her Serene Highness Princess Shirley）」，到而家佢哋已經有7個成年嘅細路，其中「至高無上嘅伊恩王子殿下（His Royal Highness Crown Prince Ian）」就係王儲。

倫納德君主喺澳洲家喻戶曉，多數人認為佢所做嘅只係一種冇害嘅古怪行為，而且好多人認為佢面對一個強大政府所表現出嘅堅韌同無畏令人欽佩。而家喺坎培拉嘅澳洲博物館，倫納德已經作為一項展覽被永久陳列喺館中。

2017年2月11號，倫納德讓位畀佢細仔Graeme。倫納德喺2019年2月13號逝世。

數據資料

赫特河省公國位於珀斯以北595公里，佔地面積約75平方公里。主要收入嚟自野生花卉、農業產品、郵票同錢幣，旅遊業亦係一個主要收入來源。

當地居民數量非常少，據估計為20人左右，但呢個國宣稱佢哋喺世界範圍內擁有13000個國民。

呢個國冇常設軍隊，但係好多國民曾經攞過軍事銜頭嘅獎賞。而且就算全國被陸地封鎖，有一啲海軍銜頭亦同樣被授出過。

呢個國嘅領導成員主要由倫納德君主同佢嘅家庭成員組成，包括倫納德君主嘅老婆雪莉（Shirley）王妃同佢嘅仔伊恩（Ian）王儲。

由2004年9月2號開始，赫特河省公國開始接受公司註冊。至少有一個傳統嘅離岸實體公司被授權受理公司註冊業務。

就算赫特河省公國從來冇俾世界上其他任何一個國家正式承認過，但係佢哋發行嘅護照喺好多時已經被作為出入境嘅有效證件合法使用。

澳洲政府嘅反應

澳洲官方針對赫特河省公國最常見嘅解釋就係話呢個係一個私人農場，所謂嘅「君主」只不過係一個商人。有時，赫特河省公國嘅問題亦會被提議到國會上，但對佢嘅解釋多數係機會主義嘅投機取巧嘅行為。

澳洲郵政機構已經正式表態會中斷對嗰個國嘅相關服務，但事實上，唔只寄去呢個地區嘅信件能夠平安抵達，甚至係貼住赫特河郵票嘅信件亦寄得出。

赫特河省公國曾經幾次冇交稅，張貼喺赫特河省公國官方網站上嘅澳洲國土局內部文件亦顯示呢個省並冇打算交稅。

澳洲政府通常避免同赫特河省公國進行法律上嘅爭辯，赫特河省公國建造自己嘅建築（唔使澳洲政府審批）、提供公司註冊、辦理車牌、製造貨幣、出版郵票，甚至辦佢自己嘅大學，好多諸如此類嘅事件似乎係有意激嬲澳洲政府，但澳洲政府從來冇妨礙過赫特河省公國嘅「主權」，只係盡可能避免任何法律上嘅糾紛。