起屋同打仗嘅比喻
聖經譯文 編輯
| 「 | 有好多人同耶穌一齊行。耶穌轉身對佢哋話：「無論乜嘢人來到我呢度，若果唔愛我勝過愛自己嘅父母、老婆、仔女、兄弟、姊妹，甚至自己嘅生命，就唔能夠做我嘅門徒。凡唔孭住自己嘅十字架來跟從我嘅，亦都唔能夠做我嘅門徒。你哋有邊個要起一座樓，唔先坐低計算一吓成本，睇吓可唔可以起得成？唔係嘅話，安好咗地基，座樓起唔成，睇見嘅人都笑佢話：『呢個人開咗工，但係唔能夠完工。』或者係一個王出去同另一個王打仗，佢要先坐低評估自己嘅實力，佢可唔可以用一萬個士兵去抵抗嗰個有二萬個士兵來攻打佢嘅？若果唔得，佢就趁敵人重喺好遠嘅時候，派使者去傾和平嘅條件。噉樣，你哋無論係邊個，如果唔肯放棄一切所有嘅，就唔能夠做我嘅門徒。」
|
」 |
——《路加福音》14章25至33節 | ||
解釋 編輯
耶穌同跟隨佢嘅人講出做門徒嘅真理。佢要讓跟隨佢嘅人知道，佢哋並唔係前去承受世上嘅權勢同榮耀。乃係準備犧牲最珍貴嘅生命，孭起十字架，忠心跟隨主。做門徒唔係一件容易嘅事，耶穌舉出兩個例子來講明做門徒嘅代價。第一個係起屋：建築嘅人要先計算成本，衡量自己嘅能力，係咪有足夠嘅財力去完成。第二個係打仗，王要先計算自己同敵人嘅兵馬，係咪有足夠能力同敵人對抗。呢兩個比喻都好類似，兩種計算方式都好重要。耶穌係警告門徒唔可以草率、懦弱、毫無計劃、唔願意付出來跟從佢[1]。